"Inklyuziv ta'lim va media savodxonligi" mavzusida seminar-trening tashkil etildi
Termiz davlat pedagogika institutida media sohasiga qiziquvchi, blog yuritayotgan hamda kelajakda o‘zini media va blogerlik yo‘nalishida ko‘rayotgan talabalar uchun “Inklyuziv ta’lim va media savodxonligi” mavzusida seminar-trening bo‘lib o‘tdi.
Mazkur seminar-treningda institut matbuot kotibi Nodira Musayeva, yoshlar yetakchilari, ta’lim blogeri ishtirok etib, talabalarga media sohasidagi tajribalar, blog yuritishning muhim jihatlari, shaxsiy brend shakllantirish va sifatli kontent yaratish bo‘yicha foydali tavsiyalar berishdi.
Tadbir davomida inklyuziv ta’limning ahamiyati, media savodxonlikni oshirish, axborot bilan ishlash madaniyati hamda zamonaviy media platformalardan samarali foydalanish masalalari muhokama qilindi.