Taʼlim sifatini baholash yuzasidan Umummilliy soʻrovnoma oʻtkazildi
Oʻzbekiston Respublikasi Prezidenti Administratsiyasi huzuridagi Taʼlim sifatini taʼminlash milliy agentligi tomonidan oliy taʼlim muassasalarida taʼlim sifatini baholash va taʼlim jarayoni ishtirokchilarining fikr-mulohazalarini o‘rganish maqsadida soʻrovnoma tashkil etilmoqda.
Joriy yilning 21-yanvar kuni agentlikning mas’ul xodimlari Termiz davlat pedagogika institutga tashrif buyurib, taʼlim sifati, oʻquv jarayonining samaradorligi, professor-oʻqituvchilarning pedagogik faoliyati va talabalarga yaratilgan shart-sharoitlar haqida soʻrovnomalar o‘tkazdilar. Shuningdek, ular institut professor-oʻqituvchilari va talabalar bilan bevosita muloqot orqali taʼlim tizimini takomillashtirishga oid taklif va fikrlarni tingladilar.
Mazkur soʻrovnoma taʼlim sifatini oshirish va taʼlim jarayonini yanada samarali tashkil etish uchun muhim axborotlarni yig‘ishga xizmat qilmoqda. Olgan mulohazalar kelgusida sifatli taʼlimni rivojlantirish yo‘lida qarorlar qabul qilishda asos boʻlib xizmat qiladi.