Rektor va yoshlar uchrashuvi
Mahallalarda yoshlar bilan ishlash masalalarini muvofiqlashtirish bo‘yicha viloyat komissiyasining tegishli bayoniga muvofiq, Termiz davlat pedagogika instituti rektoriga biriktirilgan Termiz tumani “Soliobod” MFYda istiqomat qiluvchi 31 nafar ishsiz yoshlar bilan uchrashuv bo‘lib o‘tdi.
Uchrashuv doirasida yoshlar institut faoliyati, yaratilgan shart-sharoitlar, ta’lim jarayonlari hamda infratuzilma bilan tanishdilar. Shuningdek, Amaliy psixologiya kafedrasi tomonidan psixologik test va seminar-trening mashg‘ulotlari tashkil etildi.
Davra suhbatida yoshlarning bandligini ta’minlash, ularni kasb-hunarga yo‘naltirish va ta’limga jalb etish masalalari muhokama qilinib, mas’ullarga aniq topshiriqlar berildi. Uchrashuv yakunida yoshlarni qo‘llab-quvvatlashga qaratilgan bir qator amaliy takliflar ilgari surildi.