Ta’lim, tajriba va innovatsiya: TerDPI talabalari Ayritom Erkin Iqtisodiy Zonasida
Ayritom Erkin Iqtisodiy Zonasida Termiz davlat pedagogika instituti talabalari hamda professor-o‘qituvchilari ishtirokida ko‘chma sayyor o‘quv-amaliy mashg‘ulotlari tashkil etildi. Ushbu tashrif davomida talabalar erkin iqtisodiy zona faoliyati, hududda amalga oshirilayotgan investitsion loyihalar hamda mavjud infratuzilma imkoniyatlari bilan yaqindan tanishish imkoniyatiga ega bo‘ldilar.
Shuningdek, mazkur manzilda talaba-yoshlar uchun sport va ijodiy faoliyatni rivojlantirishga qaratilgan amaliy mashg‘ulotlar o‘tkazildi. Jumladan, voleybol, futbol, stol tennisi va kurash kabi sport turlari bo‘yicha musobaqalar hamda tasviriy san’at yo‘nalishi doirasida ijodiy mashg‘ulotlar tashkil etildi.
Ushbu tadbirlar talabalarning jismoniy faolligini oshirish, ijodiy salohiyatini rivojlantirish hamda ularning bo‘sh vaqtini mazmunli tashkil etishga xizmat qiladi.