Alisher Navoiy tavalludining 585 yilligi munosabati bilan xotira tadbiri o‘tkazildi

 Bugun viloyat markazida buyuk mutafakkir, so‘z mulkining sultoni Alisher Navoiy tavalludining 585 yilligi munosabati bilan xotira va ehtirom tadbiri tashkil etildi. Tadbir doirasida Alisher Navoiy haykali poyiga gulchambar qo‘yish marosimi bo‘lib o‘tdi.

 Mazkur tadbirda viloyatdagi oliy ta’lim muassasalari rektorlari va ularning o‘rinbosarlari, nuroniylar, ta’lim fidoyilari, tashkilot va muassasa rahbarlari hamda yoshlar faol ishtirok etdi. Jumladan, Termiz davlat pedagogika instituti jamoasi ham tadbirda munosib qatnashib, Alisher Navoiy haykali poyiga gulchambar qo‘yish orqali buyuk ajdodimizga yuksak hurmat-ehtirom ko‘rsatdilar.

Tadbirning davomi San’at saroyida o‘tkazilib, unda Alisher Navoiyning hayoti va ijodiga bag‘ishlangan sahna ko‘rinishlari namoyish etildi. Sahna asarlari orqali buyuk shoirning bebaho merosi, insonparvarlik g‘oyalari va ma’naviy qarashlari keng yoritib berildi.

Ushbu tadbirlar Alisher Navoiy merosini chuqur o‘rganish, uni keng targ‘ib etish hamda yosh avlod qalbida milliy va ma’naviy qadriyatlarga bo‘lgan hurmat va sadoqat tuyg‘ularini yanada mustahkamlashga xizmat qiladi.