TerDPI professor-o‘qituvchilari Praga shahriga malaka oshirish uchun yetib borishdi
Termiz davlat pedagogika instituti professor-o‘qituvchilari Chexiya Respublikasining Praga shahrida joylashgan nufuzli universitetga malaka oshirish maqsadida yetib kelishdi. Mazkur tashrif oliy ta’lim sohasida xalqaro hamkorlikni kengaytirish, xorijiy ta’lim muassasalarining ilg‘or tajribalarini o‘rganish hamda institutda ta’lim sifatini oshirishga qaratilgan.
Malaka oshirish dasturi doirasida professor-o‘qituvchilar zamonaviy pedagogik yondashuvlar, innovatsion ta’lim texnologiyalari, raqamli ta’lim tizimlari hamda ilmiy-tadqiqot faoliyatini rivojlantirish masalalari bo‘yicha ma’ruza va amaliy mashg‘ulotlarda ishtirok etadilar. Shuningdek, Chexiya universiteti professorlari bilan tajriba almashish va ikki tomonlama hamkorlik aloqalarini mustahkamlash rejalashtirilgan.
Ushbu malaka oshirish tashrifi Termiz davlat pedagogika institutida o‘quv jarayonini takomillashtirish, xalqaro standartlarga mos ta’lim tizimini joriy etishda muhim ahamiyat kasb etadi.