Tashrif
Bugun, O‘zbekiston Respublikasi Oliy ta’lim, fan va innovatsiyalar vazirining birinchi o‘rinbosari Sardor Radjabov Termiz davlat pedagogika institutiga tashrif buyurdi.
Tashrif davomida vazir o‘rinbosari yangidan barpo etilgan, ta’lim standartlari talablariga to‘liq javob beruvchi zamonaviy o‘quv binosi bilan yaqindan tanishdi. Mazkur binoda yaratilgan zamonaviy texnologiyalar, zamonaviy o‘quv laboratoriyalari, "Registrar ofis"ning xizmat ko‘rsatish holati hamda dars jarayonlari bilan yaqindan tanishib, talabalar bilan ochiq muloqot o‘tkazdi hamda ularning fikr-mulohazalari va takliflari tinglandi.
Sardor Baxtiyorovich institut hududida barpo etilayotgan yana bir yangi o‘quv binosi qurilish jarayonlari bilan ham tanishdi. Bundan tashqari, barcha qulayliklarga ega bo‘lgan yangi talabalar turar joylari ko‘zdan kechirilib, talabalarga yaratilgan shart-sharoitlar yuqori baholandi.
Tashrif yakunida vazir o‘rinbosari oliygoh rektori hamda mas’ul xodimlarga ta’lim sifati va infratuzilmani yanada takomillashtirish yuzasidan o‘z tavsiyalarini berdi.