Termiz davlat pedagogika institutida buyuk shoir, davlat arbobi va sarkarda Zahiriddin Muhammad Bobur tavalludining navbatdagi yilligiga bag‘ishlangan ma’naviy-ma’rifiy tadbir tashkil etildi.

 Tadbir davomida institutning iqtidorli talabalari tomonidan Zahiriddin Muhammad Bobur qalamiga mansub g‘azallar yuksak mahorat va badiiy did bilan ijro etildi. Talabalar tomonidan o‘qilgan she’riy namunalar Bobur ijodining nozik jihatlari, uning Vatanga muhabbati, insoniy fazilatlar va ma’rifatparvarlik g‘oyalarini o‘zida aks ettirgani bilan tadbir ishtirokchilarida katta taassurot qoldirdi.

Ijodiy chiqishlar institut rahbariyati va professor-o‘qituvchilar e’tiboriga havola etildi hamda ular tomonidan samimiy qarshi olindi. Tadbir so‘nggida so‘zga chiqqanlar Bobur merosini chuqur o‘rganish, uni yoshlar ongiga singdirish bugungi kunning dolzarb vazifalaridan biri ekanini ta’kidladilar.

 Mazkur ma’naviy uchrashuv talabalarning adabiyotga bo‘lgan qiziqishini yanada oshirish, ularning ijodiy salohiyatini namoyon etish hamda milliy qadriyatlarimizga hurmat ruhida tarbiyalashga xizmat qiladi.