Termiz davlat pedagogika instituti Tabiiy va aniq fanlar fakultetida buyuk sarkarda, shoir va davlat arbobi Zahiriddin Muhammad Bobur tavalludining 543 yilligi munosabati bilan ma’naviy-ma’rifiy tadbir tashkil etildi.
Tadbir davomida Boburning boy adabiy va tarixiy merosi, uning davlat boshqaruvi hamda madaniyat taraqqiyotidagi o‘rni haqida ma’ruzalar qilindi. Talabalar tomonidan Bobur g‘azal va ruboiylaridan namunalar o‘qilib, sahna ko‘rinishlari namoyish etildi. Tadbirga mexmon sifatida O‘zbekiston yozuvchilar uyushmasi Surxondaryo viloyati bo‘limi boshlig‘i shoir Mengnor Ollomurod tashrif buyurdilar.
Mazkur tadbir yoshlar qalbida milliy g‘urur, tarixiy xotira va ajdodlarimiz merosiga hurmat tuyg‘ularini mustahkamlashga xizmat qildi.