“Sumalak sayli” – milliy qadriyatlarimiz tarannumi
Yurtimizga bahor nafasi kirib kelishi bilan Maktabgacha va boshlangʻich taʼlim fakultetida “Sumalak sayli” tadbiri yuqori kayfiyatda o‘tkazildi.
Tadbirga Maktabgacha va maktab taʼlimi vaziri Eʼzoza Karimova tashrif buyurdi.
Tadbirni Termiz davlat pedagogika instituti rektori Azizbek Xasanov ochib berdi.
Tadbir davomida sumalak tayyorlash jarayoni namoyish etildi, milliy kuy-qo‘shiqlar yangradi, talabalar tomonidan sahna ko‘rinishlari va raqslar ijro etildi.
Sumalak — birlik, mehr-oqibat va baraka timsoli. Ushbu sayl barchaga bayramona kayfiyat va unutilmas taassurotlar ulashdi.
Qozonda qaynagan sumalak, yangragan kuy-qo‘shiqlar, milliy liboslar va samimiy tabassumlar bayramimizga o‘zgacha fayz bag‘ishladi.