YOSHLAR-JAMIYAT TARAQQIYOTINING IQTISODIY, IJTIMOIY VA SIYOSIY KUCHI.

 Kuni kecha Ko‘ksaroy” qarorgohida davlatimiz rahbari Shavkat Mirziyoyev yoshlar bilan o‘tkazgan ochiq muloqoti jamiyat taraqqiyotining iqtisodiy, ijtimoiy va siyosiy kuchi deya ta’riflangan yoshlar siyosati tarixida yangi davrni ochib berganligi bilan ahamiyatlidir.

 Mazkur uchrashuv davomida yoshlarning ta’lim, tadbirkorlik, innovatsiya, bandlik va ijtimoiy faolligini oshirishga qaratilgan qator yangi tashabbuslar ilgari surildi. Ayniqsa, startap loyihalarni moliyalashtirish, zamonaviy kasblarga o‘qitish va yosh tadbirkorlarni rag‘batlantirish masalalari alohida e’tibor markazida bo‘ldi. 
Mamlakatimizda har haftaning payshanba kuni vazirlik, idora va hokimliklarda “Yoshlar kuni” sifatida belgilanishi — yoshlarga qaratilgan davlat siyosatining amaliy ifodasi bo‘lib, ularning muammo va tashabbuslariga yanada yaqinroq yondashish imkonini yaratadi. “Yoshlar kuni”ning joriy etilishi, avvalo, yoshlar va davlat tashkilotlari o‘rtasidagi muloqotni kuchaytirishga xizmat qiladi. Endilikda yoshlar o‘z muammolari, g‘oyalari va loyihalari bilan bevosita mas’ul rahbarlarga murojaat qilish imkoniga ega bo‘ladi. Bu esa byurokratik to‘siqlarni kamaytirib, masalalarning tezkor va samarali hal etilishiga yordam beradi.
Oltmish mingdan ziyod yoshlar vakillari ishtirok etgan ushbu muloqot yurtimizda o‘sib kelayotgan yosh avlod vakillarini har tomonlama barkamol insonlar etib tarbiyalash, ularning huquq va manfaatlarini ta’minlash, qobiliyati va salohiyatini ro‘yobga chiqarishga qartilgan davlat siyosatining amaliy ifodasidir.

Batafsil...