Rahbar va tadqiqotchi yoshlar uchrashuvi

O‘zbekiston Respublikasi Prezidenti tashabbusi bilan har haftaning payshanba kuni “Yoshlar kuni” etib belgilanganligi munosabati bilan O‘zbekiston Respublikasi Oliy ta’lim, fan va innovatsiyalar vazirligi huzuridagi Oliy attestatsiya komissiyasi raisi Yusupov Axmadbek Tadjievich va Termiz davlat pedagogika instituti rektori Xasanov  Azizbek Baxtoyarovich bilan tadqiqotchi yoshlar uchrashuvi tashkil etildi.

Uchrashuv davomida yoshlarning qiziqishlari, orzu-intilishlari hamda ularning ta’limning keyingi bosqichlarida sifatli bilim olishi uchun yaratilayotgan imkoniyatlar haqida atroflicha suhbat olib borildi. Shuningdek, yoshlar o‘zlarini qiziqtirgan savollarga javob oldilar, tadqiqotchilarga taklif va tashabbuslarini bildirdilar.

Bunday uchrashuvlar yoshlarning faolligini oshirish, ularni vatanparvarlik ruhida tarbiyalash hamda kelajakda o‘z yo‘lini topishida muhim ahamiyat kasb etadi.