Termiz davlat pedagogika institutida ta’lim muhitining xavfsizligini ta’minlashga bag‘ishlangan davra suhbat o‘tkazildi.
Bugun institutda xavfsiz va hurmatga asoslangan ta’lim muhitini shakllantirish, talaba-qizlarni har qanday zo‘ravonlik va nojo‘ya xatti-harakatlardan himoya qilish, pedagog hamda xodimlarning huquqiy, psixologik va axloqiy mas’uliyatini yanada oshirish maqsadida davra suhbat tashkil etildi.
Davra suhbat davomida erkak pedagog va xodimlarning talaba-qizlarga nisbatan zo‘ravonlik holatlarining oldini olish, ularning kasbiy etikasi hamda shaxsiy mas’uliyatini kuchaytirish masalalari muhokama qilindi. Shuningdek, mutaxassislar tomonidan bunday holatlarning huquqiy oqibatlari yuzasidan batafsil ma’lumotlar berildi.
Tadbir institut profilaktika inspektorlari — kapitan S.Amanov, katta leytenant B.Allaberdiev hamda Xotin-qizlar maslahat kengashi raisi S.Tursunova tomonidan olib borildi. Uchrashuv grafik-reja asosida tashkil etilib, erkak pedagoglarning kasbiy etikasini mustahkamlashga qaratilgan amaliy chora-tadbirlar alohida ta’kidlandi.