Termiz davlat pedagogika instituti talabalari uchun maqsadli ekskursiya tashkil etildi
Ushbu tashrif O‘zbekiston Respublikasi Prezidentining 2025-yil 3-noyabrdagi PF-207-son Farmoni bilan tasdiqlangan “Giyohvandlik va narkojinoyatlarning barvaqt oldini olish hamda ularga qarshi kurashish bo‘yicha 2025–2026 yillarga mo‘ljallangan kompleks amaliy harakatlar dasturi”ning 31.6-bandi ijrosi doirasida talabalari uchun amaliy-ma’rifiy ekskursiya uyushtirildi. Farmonda belgilanganidek, narkojinoyat sodir etganligi uchun jazo o‘tayotgan shaxslar hayoti bilan yoshlarni tanishtirish, giyohvandlik oqibatlarini real misollar orqali ko‘rsatish, yoshlarda hushyorlik, ogohlik va huquqiy madaniyatni oshirish maqsad qilingan.
Ekskursiya davomida talabalar:
jazo ijro etish muassasasidagi tartib-qoidalar bilan tanishdilar;
mahkumlarning kundalik hayoti, mehnat jarayonlari va psixologik reabilitatsiya bo‘yicha olib borilayotgan ishlarga guvoh bo‘ldilar; giyohvandlikning og‘ir oqibatlari bo‘yicha mutaxassislarning tushuntirishlarini tingladilar.
Tashrifning asosiy maqsadi — yoshlarda huquqbuzarlik, ayniqsa giyohvandlikning oldini olish, sog‘lom turmush tarzi, mas’uliyat va ongli hayotga bo‘lgan munosabatni mustahkamlashdan iborat.