Kuni kecha Davlatimiz rahbarining yoshlar bilan oʻtkazgan muloqot tadbirida har haftaning payshanba kuni vazirlik va tashkilotlar rahbarlari taʼlim muassasalarida yoshlar bilan uchrashib, ularning taklif va mulohazalarini oʻrganishi belgilangan edi.
Bugun O‘zbekiston Respublikasi Prezidenti Administratsiyasi rahbari o‘rinbosari Ilhom Siradjev, Maktabgacha va maktab taʼlimi vaziri Eʼzoza Karimova mazkur topshiriq ijrosi doirasida Termiz davlat pedagogika institutida boʻldi hamda bu yerda tahsil olayotgan talaba yoshlar va tyutorlar bilan uchrashdi.
O‘zaro muloqot doirasida talabalar bilan suhbatlashdi, ularning fikr-mulohazalariga quloq tutdi.
Shuningdek, taʼlim dargohida yaratilgan sharoitlar hamda hal etilishi lozim boʻlgan masalalar boʻyicha fikrlari bilan tanishdi.
Shuningdek, Institutda tyutorlar bilan uchrashuv bo‘lib o‘tdi.
Unda bitiruvchi talabalarni ish bilan ta’minlash, yoshlar orasida huquqbuzarlik holatlarining oldini olish va ularning vaqtini mazmunli tashkil etish yuzasidan muhim vazifalar belgilab olindi.
O‘zaro muloqot davomida ishtirokchilar taʼlim sifatini oshirish hamda zamonaviy kasblarni egallashga doir oʻz taklif va mulohazalarini bildirishdi.
Bildirilgan barcha taklif va mulohazalarni atroflicha oʻrganish va zarur choralar koʻrish boʻyicha masʼullarga tegishli koʻrsatmalar berildi.