Termiz davlat pedagogika instituti delegatsiyasi nufuzli konferensiyada ishtirok etmoqda!
Joriy yilning 10–12-mart kunlari Germaniya Federativ Respublikasining Mannheim shahrida joylashgan Leibniz-Institut für Deutsche Sprache (IDS)da 62-yillik yubileyi munosabati bilan hisobot konferensiyasi bo‘lib o‘tmoqda.
Mazkur konferensiyada Termiz davlat pedagogika instituti delegatsiyasi O‘quv-uslubiy boshqarma boshlig‘i R. Omanov, Jismoniy va yuridik shaxslarning murojaatlari bilan ishlash, nazorat va monitoring bo‘limi boshlig‘i U. Jurayev hamda Gumanitar yo‘nalishda xorijiy tillar kafedrasi mudiri Z. Shirnazarovalar ishtirok etmoqda.
Konferensiya doirasida delegatsiya vakillari Institut olimlari bilan uchrashib, zamonaviy tadqiqotlar, shuningdek xalqaro ilmiy hamkorlikni kengaytirish istiqbollari yuzasidan fikr almashishadi.
Mazkur tashrif Leibniz-Institut für Deutsche Sprache hamda O’zbekistondagi pedagogik oliy ta’lim muassasalari o‘rtasida imzolangan hamkorlik shartnomasi doirasida amalga oshirilmoqda.