Termiz davlat pedagogika instituti xorijiy professor-o‘qituvchilari SAGE FRIESE va SAMUEL BLAKE tomonidan maktab o‘qituvchilari uchun trening-seminar tashkil etildi.

Mazkur seminar Termiz shahridagi 9-son umumta’lim maktabida hamkorlik asosida o‘tkazilib, unda maktab o‘qituvchilari hamda o‘quvchilar faol ishtirok etdilar. Treyning mashg‘ulotlari davomida tajriba almashinuvi, zamonaviy pedagogik yondashuvlar, innovatsion o‘qitish usullari hamda xorijiy ta’lim texnologiyalariga alohida e’tibor qaratildi.

Seminar bahs-munozaralarga, ko‘nikmalarni boyituvchi qiziqarli interaktiv o‘yinlarga boy tarzda tashkil etildi. Shuningdek, unda yangi o‘qitish metodlari, xorijiy tajribalar asosida ta’lim samaradorligini oshirish hamda til o‘rgatish jarayonidagi muammo va yechimlar yuzasidan muhim fikr-mulohazalar bildirildi.

Ushbu seminar o‘qituvchilarning kasbiy mahoratini oshirish, xalqaro tajribani o‘rganish va ta’lim sifatini yanada yuksaltirishda muhim ahamiyat kasb etdi.