Termiz davlat pedagogika instituti xalqaro hamkorlikni kengaytirmoqda

Termiz davlat pedagogika instituti 2026–2029-yillar davomida Yevropa Ittifoqining ERASMUS+ KA171 — Hamkor davlatlar bilan mobillik loyihasi doirasida Germaniyaning Myunster universiteti bilan samarali hamkorlikni yo‘lga qo‘ygan.

Mazkur loyiha doirasida oliy ta’lim muassasalari o‘rtasida talabalar almashinuvi dasturi amalga oshirilmoqda. Ushbu xalqaro hamkorlik ta’lim sifatini oshirish, tajriba almashish hamda talabalarning akademik va madaniy salohiyatini rivojlantirishga xizmat qiladi.

Ayni kunlarda Myunster universiteti talabasi Lena Hertig Termiz davlat pedagogika institutining Gumanitar yo‘nalishlarda xorijiy tillar kafedrasida amaliyot o‘tamoqda. Bu esa ikki oliygoh o‘rtasidagi hamkorlikning amaliy natijasi bo‘lib, xalqaro aloqalarning yanada mustahkamlanayotganidan dalolat beradi.

Bunday loyihalar talabalarga yangi bilim va ko‘nikmalarni egallash, turli ta’lim tizimlari bilan yaqindan tanishish hamda xalqaro tajriba orttirish uchun keng imkoniyat yaratadi.