Termiz davlat pedagogika institutida “Kitob o‘qish soati” tashkil etildi.

Termiz davlat pedagogika institutida ma’naviy-ma’rifiy muhitni yanada boyitish, kitobxonlik madaniyatini rivojlantirish hamda ilmiy va badiiy adabiyotlarga bo‘lgan qiziqishni oshirish maqsadida “Kitob o‘qish soati” tashkil etildi.

Mazkur tashabbus doirasida professor-o‘qituvchilar hamda ishchi-xodimlar o‘zlari tanlagan badiiy, ilmiy-ommabop yoki mutaxassislikka oid adabiyotlarni mutolaa qildilar.

Kitob o‘qish nafaqat bilimni oshiradi, balki inson tafakkurini kengaytiradi, dunyoqarashini boyitadi hamda ma’naviy kamolotga xizmat qiladi. Mutolaa yakunida o‘qilgan asarlar yuzasidan qisqa muhokama va fikr almashish jarayoni o‘tkazildi.

Bunday tadbirlar jamoada kitobxonlik madaniyatini rivojlantirish, ilmiy va ma’naviy muhitni yanada mustahkamlashga xizmat qiladi.