Yoshlar bilan uchrashuv
O‘zbekiston Respublikasi Prezidenti tashabbusi bilan har haftaning payshanba kuni “Yoshlar kuni” etib belgilanganligi munosabati bilan Boshqaruv samaradorligi agentligi Surxondaryo viloyati filiali mas’ul xodimlari Termiz davlat pedagogika instituti bitiruvchi bosqich talabalari bilan muloqot o‘tkazdi.
Muloqotda yoshlarning muammolari, taklif hamda tashabbuslari tinglandi.
Shuningdek, mehnat bozoriga kirib kelayotgan oliy ta’lim muassasalar bitiruvchilarni davlat xizmatiga jalb etish, ishga kirishda ochiq tanlovlarni tashkil etish, boshqaruv samaradorligini oshirish borasidagi islohotlar yuzasidan ma’lumotlar berildi.
Bu kabi ochiq muloqotlar yoshlarning fikr va tashabbuslarini qo‘llab-quvvatlash, ularni yanada faol bo‘lishga undash hamda rahbarlar bilan ochiq va samimiy muloqotni mustahkamlashga xizmat qiladi.