Talabalar ekologik tashabbusi doirasida To‘palang suv omborida suv resurslari va barqaror ichki turizm bo‘yicha o‘quv tashrifi tashkil etildi
Termiz davlat pedagogika institutida talabalar ekologik tashabbuslari doirasida Tabiiy va aniq fanlar fakulteti Geografiya va iqtisodiy bilim asoslari yo‘nalishi talabalari uchun To‘palang suv omboriga o‘quv-amaliy tashrif tashkil etildi. Tadbir talabalar o‘rtasida suv resurslaridan oqilona foydalanish, tabiiy hududlarning ekologik ahamiyatini anglash hamda barqaror ichki turizm madaniyatini shakllantirishga qaratildi.
Tashrif davomida talabalar To‘palang suv omborining suv sig‘imi, uning hududiy xo‘jalikdagi o‘rni, gidroenergetik salohiyati va atrofidagi tabiiy landshaftlarning ekologik xususiyatlari bilan tanishdilar. Amaliy kuzatuv va joyida tushuntirishlar orqali talabalarning suv resurslari, tabiiy obyektlardan mas’uliyatli foydalanish va hududning turistik imkoniyatlarini ekologik nuqtai nazardan baholash bo‘yicha bilimlari mustahkamlandi.
Mazkur tashrif talabalar ekologik savodxonligini oshirish, suv resurslariga nisbatan mas’uliyatli munosabatni kuchaytirish hamda barqaror rivojlanish tamoyillarini amaliy o‘quv faoliyati bilan bog‘lashga xizmat qildi.