Talabalar ishtirokida suv resurslari va tabiiy obyektlarni o‘rganishga bag‘ishlangan o‘quv dala amaliyoti tashkil etildi
Termiz davlat pedagogika institutida talabalar ekologik va amaliy bilimlarini mustahkamlash maqsadida Geografiya va iqtisodiy bilim asoslari yo‘nalishi talabalari uchun Uchqizil suv ombori hamda Sherobod tumanidagi Xo‘jaikon tuz g‘origa o‘quv dala amaliyoti tashkil etildi. Mazkur tadbir talabalarning suv resurslari, tabiiy-geografik obyektlar va hududiy ekologik xususiyatlar bo‘yicha bilimlarini amaliy muhitda boyitishga qaratildi.
Dala amaliyoti davomida talabalar Uchqizil suv omborining suv resurslari boshqaruvidagi ahamiyati, qishloq xo‘jaligi bilan bog‘liqligi hamda hududning tabiiy xususiyatlari bilan tanishdilar. Shuningdek, Xo‘jaikon tuz g‘ori misolida tabiiy obyektlarni asrash, ulardan oqilona foydalanish va tabiiy merosni ekologik jihatdan qadrlash masalalari muhokama qilindi.
Mazkur amaliy tadbir talabalar o‘rtasida tabiiy resurslardan mas’uliyatli foydalanish, ekologik kuzatuv ko‘nikmalarini rivojlantirish hamda barqaror rivojlanish va tabiiy merosni muhofaza qilish tamoyillarini kuchaytirishga xizmat qildi.