2026/2027-o‘quv yiliga tayyorgarlik bo‘yicha yig‘ilish o‘tkazildi
Termiz davlat pedagogika institutida 2026/2027-o‘quv yiliga puxta tayyorgarlik ko‘rish masalalariga bag‘ishlangan yig‘ilish bo‘lib o‘tdi. Unda O‘quv-uslubiy boshqarma boshlig‘i R. Omanov, kafedra mudirlari hamda o‘quv ishlari bo‘yicha dekan o‘rinbosarlari ishtirok etdilar.
Yig‘ilish davomida yangi o‘quv yiliga tayyorgarlik ko‘rish bilan bog‘liq muhim vazifalar belgilab olindi. Jumladan, tanlov fanlarini shakllantirishda ish beruvchilar hamda talabalarning fikr-mulohazalarini inobatga olish, o‘quv yuklamalarini sifatli va o‘z vaqtida tayyorlash, shuningdek, o‘quv dasturlari — sillabuslarni TOP-300 talikka kirgan xorijiy oliy ta’lim muassasalari tajribasi asosida takomillashtirish yuzasidan tegishli topshiriqlar berildi.
Shuningdek, yig‘ilishda mustaqil ta’lim jarayonlarini samarali tashkil etish va ularni o‘z vaqtida baholab borish masalalariga alohida e’tibor qaratildi. Bu borada mas’ullarga mustaqil.terdpi.uz platformasi orqali mustaqil ta’lim topshiriqlarini belgilangan muddatlarda baholab borish yuzasidan zarur ko‘rsatmalar berildi.
Yig‘ilish yakunida kafedra mudirlari va dekan o‘rinbosarlari tomonidan bildirilgan savollarga mas’ullar tomonidan atroflicha javob berildi.