Sangardak sharsharasida ekologik o‘quv dala amaliyoti tashkil etildi

2024-yil 12-mart kuni Termiz davlat pedagogika instituti Tabiiy fanlar fakulteti Geografiya va uni o‘qitish metodikasi kafedrasi tomonidan Geografiya va iqtisodiy bilim asoslari ta’lim yo‘nalishi 1-bosqich talabalari uchun Sangardak sharsharasida ekologik o‘quv dala amaliyoti tashkil etildi. O‘quv dala amaliyoti kafedra o‘qituvchilari Sh.Allanov va T.Abdimo‘minov boshchiligida, tasdiqlangan dala amaliyoti dasturi asosida amalga oshirildi.

Dala amaliyotida 42 nafar talaba ishtirok etdi. Talabalar amaliyotga guruhlar kesimida jalb qilinib, tashrif davomida marshrut bo‘yicha kuzatish, tabiiy obyektlarni joyida tahlil qilish va o‘qituvchilar tomonidan berilgan topshiriqlar asosida ma’lumot to‘plash ishlarini olib bordilar. Amaliyot institutning o‘quv jarayoni bilan bog‘langan holda tashkil etilib, unga oid marshrut va dastur materiali, shuningdek, ishtirokni tasdiqlovchi davomat ro‘yxati va kuzatuv natijalarini qayd etish uchun geo-observation worksheet rasmiylashtirildi.

Tashrif davomida talabalarga Sangardak sharsharasining geografik o‘rni, suv manbai, balandligi, geomorfologik va landshaft xususiyatlari, hududning tabiiy komplekslari hamda turistik imkoniyatlari haqida batafsil ma’lumotlar berildi. Dala mashg‘uloti jarayonida talabalar tabiiy hududlarni bevosita kuzatish orqali suv obyektlarining ekologik ahamiyati, tabiiy landshaftlarning shakllanishi, hududiy ekotizimlarning o‘ziga xosligi va tabiiy meros obyektlariga ehtiyotkorona munosabatning zarurligi haqida amaliy tushunchalarni mustahkamladilar.

Mazkur o‘quv dala amaliyotining asosiy o‘quv natijalari sifatida talabalar:

  • tabiiy geografik obyektlarni joyida kuzatish va tavsiflash;
  • suv manbalari va landshaft elementlarining o‘zaro bog‘liqligini tushuntirish;
  • tabiiy komplekslarning ekologik xususiyatlarini aniqlash;
  • hududning turistik va ekologik ahamiyatini baholash;
  • tabiatga mas’uliyatli va ehtiyotkorona yondashuv ko‘nikmalarini shakllantirish
    bo‘yicha bilim va amaliy ko‘nikmalarni rivojlantirdilar.

Amaliyot yakunida talabalar tomonidan dala kuzatuv varaqalari to‘ldirildi, o‘qituvchilar tomonidan yakuniy tushuntirish va savol-javoblar o‘tkazildi hamda ishtirokchilar davomat asosida qayd etildi. Ushbu yondashuv ekologik ta’limni faqat auditoriya mashg‘ulotlari bilan cheklamasdan, uni real tabiiy muhit bilan bog‘liq tarzda tashkil etishga xizmat qiladi.