Talabalar uchun amaliy turmush ko‘nikmalari va jamoaviy hamkorlik tadbiri

Termiz davlat pedagogika institutida Tabiiy fanlar fakulteti tashabbusi bilan talabalar bo‘sh vaqtini mazmunli tashkil etish, ularning amaliy turmush ko‘nikmalarini rivojlantirish va jamoada ishlash madaniyatini mustahkamlash maqsadida “Shashlik day” nomli tadbir tashkil etildi.

Tadbirda barcha kurs talabalari guruhlarga bo‘lingan holda ishtirok etib, ovqat tayyorlash, vazifalarni taqsimlash, o‘zaro hamkorlik va jamoaviy mas’uliyat asosida bellashdilar. Jarayon davomida talabalar nafaqat amaliy ko‘nikmalarini namoyon etdilar, balki muloqot, hamjihatlik va o‘zaro hurmat tamoyillarini ham mustahkamlash imkoniyatiga ega bo‘ldilar.

Mazkur tadbir talabalarning ijtimoiy faolligini oshirish, sog‘lom va faol talabalik muhitini qo‘llab-quvvatlash hamda bo‘sh vaqtni foydali va mazmunli tashkil etishga xizmat qiladi. Shu jihatdan, ushbu tashabbus institutda student wellbeing, practical life skills va community buildingni qo‘llab-quvvatlashga qaratilgan ijtimoiy yo‘naltirilgan tadbirlarning bir qismi hisoblanadi.