Talaba-qizlar uchun sog‘lom oilaviy hayot va erta nikohning oldini olish bo‘yicha ma’rifiy tadbir

2024-yil aprel oyida Termiz davlat pedagogika institutida talaba-qizlar ishtirokida “Yoshlarni oilaviy hayotga tayyorlash, oiladagi nizoli holatlarni hal qilishning huquqiy va psixologik asoslarini o‘rgatish, erta nikoh hamda oilaviy ajralishlarning oldini olish” mavzusida ma’naviy-ma’rifiy tadbir tashkil etildi.

Tadbirda Termiz shahar tibbiyot birlashmasi bosh shifokori S. Poyonova, ginekolog M. Qurbonova, ichki kasalliklar shifokori S. Ko‘charova, shifokor Malika Yo‘ldosheva, Pedagogika, psixologiya va boshlang‘ich ta’lim fakulteti dekani Q. Qodirov, xotin-qizlar maslahat kengashi raisi S. I. Tursunova hamda talaba-qizlar ishtirok etdilar.

Tadbir davomida yoshlarni oilaviy hayotga tayyorlash, erta nikohning salbiy oqibatlari, oiladagi nizoli holatlarni hal qilishning huquqiy va psixologik asoslari, reproduktiv salomatlik va sog‘lom turmush tarziga oid masalalar yuzasidan mutaxassislar tomonidan tushuntirishlar berildi. Shuningdek, talabalarning ishtirokida tayyorlangan “Erta nikohning salbiy oqibatlari” mavzusidagi sahna ko‘rinishi namoyish etildi.

Mazkur tadbir talaba-qizlar orasida huquqiy xabardorlik, sog‘liqni asrash, psixologik farovonlik va xavfsiz ijtimoiy muhitni mustahkamlashga xizmat qiladi. Shu jihatdan, ushbu tashabbus institutning talaba-yoshlar farovonligi, gender sezgirlik va sog‘lom oilaviy hayotga tayyorgarlikni qo‘llab-quvvatlashga qaratilgan amaliy faoliyatining muhim qismi hisoblanadi.