Talaba-yoshlar uchun OITS va giyohvandlikning oldini olish bo‘yicha profilaktik seminar
30-noyabr kuni Termiz davlat pedagogika instituti Pedagogika va san’at hamda Tarix fakultetlarida 1-dekabr — Butunjahon OITSga qarshi kurash kuni munosabati bilan “Biz giyohvandlik va OITSga qarshimiz” mavzusida profilaktik seminar tashkil etildi.
Seminarda Respublika o‘rta tibbiyot va farmatsevtika xodimlari malakasini oshirish va ularni ixtisoslashtirish markazi Termiz filiali o‘qituvchilari, viloyat OITSga qarshi kurashish markazi shifokori, fakultet professor-o‘qituvchilari, tyutorlar hamda talaba-yoshlar ishtirok etdilar. Mutaxassislar tomonidan OITSning oldini olish, giyohvandlik vositalarining salbiy oqibatlari, sog‘lom turmush tarzi va salomatlikni asrash masalalari yuzasidan tushuntirishlar berildi. Tadbir davomida mavzuga oid videoroliklar namoyish etildi va ishtirokchilarning savollariga mutaxassislar tomonidan batafsil javob berildi.
Mazkur seminar talaba-yoshlar orasida sog‘liqni saqlash, profilaktik xabardorlik, zararli odatlarning oldini olish va sog‘lom turmush tarzini targ‘ib qilishga xizmat qiladi. Shu jihatdan, ushbu tadbir institutning salomatlik va farovonlikni qo‘llab-quvvatlashga qaratilgan profilaktik va ma’rifiy faoliyatining muhim qismi hisoblanadi.