Talaba-qizlar uchun sog‘lom turmush tarzi va erta turmushning oldini olish bo‘yicha davra suhbati

Termiz davlat pedagogika instituti Xotin-qizlar maslahat kengashi tashabbusi bilan 3-sonli Talabalar turar joyida yashovchi talaba-qizlar uchun “Sog‘lom turmush tarzi va erta turmushning oldini olish” mavzusida davra suhbati tashkil etildi.

Tadbirda Salomatlik strategik rivojlanish instituti Termiz shahar bo‘linmasi vakili S. Poyonova hamda Termiz tibbiyot birlashmasi 2-oilaviy poliklinikasi mutaxassislari ishtirok etib, talaba-qizlarga sog‘lom turmush tarzini shakllantirish, ayollar salomatligini asrash, erta turmushning salbiy oqibatlari, profilaktik xabardorlik va mas’uliyatli hayotiy qarorlar qabul qilish bo‘yicha tibbiy tavsiyalar hamda amaliy maslahatlar berdilar.

Mazkur davra suhbati talaba-qizlar orasida salomatlik madaniyatini mustahkamlash, psixologik farovonlikni qo‘llab-quvvatlash, xavfsiz ijtimoiy muhitni rivojlantirish va oilaviy hayotga ongli tayyorgarlikni kuchaytirishga xizmat qiladi. Shu jihatdan, ushbu tashabbus institutning talaba-qizlar farovonligi, gender sezgirlik va profilaktik qo‘llab-quvvatlashga qaratilgan amaliy faoliyatining muhim qismi hisoblanadi.