Talabalar turar joyida ishonch, hamkorlik va psixologik farovonlikni mustahkamlash bo‘yicha trening
Termiz davlat pedagogika institutining 1-sonli talabalar turar joyida talabalarning bo‘sh vaqtini mazmunli tashkil etish, ular o‘rtasida o‘zaro ishonch, hurmat va jamoaviy hamkorlikni rivojlantirish maqsadida “Yopiq ko‘z bilan ishonch” mavzusida psixologik trening tashkil etildi. Trening institut psixologi N. Abdullayeva va tarbiyachi-pedagog I. Eshniyazova hamrohligida o‘tkazildi.
Trening davomida ishtirokchilar o‘zaro ishonchni mustahkamlash, jamoada ishlash, muloqot madaniyatini rivojlantirish, bir-birini qo‘llab-quvvatlash va sog‘lom ijtimoiy munosabatlarni shakllantirishga qaratilgan amaliy mashg‘ulotlarda ishtirok etdilar. Tadbir talabalarning o‘qishga motivatsiyasini oshirish, ularning ma’naviy-ruhiy holatini qo‘llab-quvvatlash hamda talabalar turar joyida ijobiy va samimiy muhitni mustahkamlashga xizmat qildi.
Mazkur trening institutda psixologik farovonlik, ijobiy talabalik muhiti, xavfsiz ijtimoiy makon va konstruktiv darsdan tashqari ishtirokni qo‘llab-quvvatlashga qaratilgan amaliy faoliyatning muhim qismi hisoblanadi. Shu jihatdan, ushbu tashabbus talabalarning ruhiy barqarorligi, ijtimoiy moslashuvi va o‘zaro hurmatga asoslangan yashash madaniyatini rivojlantirishga xizmat qiladi.