Talabalar o‘rtasida voleybol musobaqasi orqali jismoniy faollik va sog‘lom turmush tarzi targ‘ib qilindi
Termiz davlat pedagogika instituti talabalari ishtirokida oliy ta’lim muassasalari o‘rtasidagi “Talabalar ligasi” doirasida voleybol musobaqasi tashkil etildi. Musobaqa olimpiada tizimida o‘tkazilib, unda 200 nafardan ortiq talaba ishtirok etdi.
Tadbir davomida talabalar jamoaviy hamkorlik, sport madaniyati, jismoniy faollik va sog‘lom raqobat muhitida o‘z mahoratlarini namoyon etdilar. Qizlar jamoalari o‘rtasidagi bahslarda Termiz davlat pedagogika instituti jamoasi 1-o‘rinni egalladi.
Mazkur sport tadbiri talaba-yoshlar orasida sog‘lom turmush tarzini targ‘ib qilish, jismoniy faollikni qo‘llab-quvvatlash, sportga qiziqishni oshirish va ijtimoiy faollikni mustahkamlashga xizmat qiladi. Shu jihatdan, ushbu musobaqa institutning salomatlik va farovonlikni rivojlantirishga qaratilgan sport tashabbuslarining muhim qismi hisoblanadi.