Ko‘p tilli va inklyuziv ta’lim tashabbusida talabalar amaliy ishtiroki
Termiz shahridagi 31-sonli davlat maktabgacha ta’lim tashkilotida O‘zbekiston Respublikasi maktabgacha ta’lim tizimi, Yevropa Ittifoqi va UNICEF hamkorligida amalga oshirilayotgan “Surxondaryo viloyatida inklyuziv ta’lim, ijtimoiy xizmatlar va huquqiy yordamdan foydalanish imkoniyatlarini kengaytirish” loyihasi doirasida **“Ko‘p tilli ta’limga yo‘naltirilgan guruhlar”**ning ochilish marosimi bo‘lib o‘tdi.
Mazkur tashabbus bolalar uchun teng ta’lim imkoniyatlarini kengaytirish, inklyuziv yondashuvlarni amaliyotga tatbiq etish, ko‘p tilli o‘quv muhitini rivojlantirish va ijtimoiy xizmatlar bilan bog‘liq qo‘llab-quvvatlash mexanizmlarini mustahkamlashga qaratilgan. Tadbirda Termiz davlat pedagogika instituti Maktabgacha ta’lim fakultetining “4+2” dasturi asosida amaliyot o‘tayotgan 2-bosqich talabalari ham faol ishtirok etdilar.
Talabalarning ushbu jarayondagi ishtiroki ularga inklyuziv va ko‘p tilli ta’lim amaliyotlarini real muhitda kuzatish, erta yoshdagi bolalar ehtiyojlariga sezgir yondashuvlarni o‘rganish hamda ta’limda teng ishtirok, qo‘llab-quvvatlash va moslashtirilgan pedagogik yondashuvlarning ahamiyatini amaliy jihatdan anglash imkonini beradi. Shu jihatdan, ushbu faoliyat institutning inklyuziv ta’lim, teng imkoniyatlar va amaliy kasbiy tayyorgarlikni qo‘llab-quvvatlashga qaratilgan institutsional yondashuvining muhim qismi hisoblanadi.