Alohida ta’lim ehtiyojlari bo‘lgan bolalar uchun inklyuziv qo‘llab-quvvatlash va amaliy seminar tashkil etildi

Termiz davlat pedagogika instituti Pedagogika va ijtimoiy fanlar fakulteti, Pedagogika va inklyuziv ta’lim kafedrasi professor-o‘qituvchilari hamda Maxsus pedagogika (logopediya) yo‘nalishi 1-bosqich talabalari Sho‘rchi tumanidagi 122-sonli ixtisoslashtirilgan maktab-internatda bo‘lib, “Ta’lim hamma uchun” hamda “Qalb tilida so‘zlashamiz” mavzularida o‘quv-seminar va ma’naviy-ma’rifiy tadbir tashkil etdilar.

Seminar davomida alohida ta’lim ehtiyojlari bo‘lgan kar va zaif eshituvchi bolalar bilan ishlashda qo‘llaniladigan ayrim amaliy yondashuvlar, jumladan nutqiy nuqsonlarni kamaytirishga xizmat qiluvchi mashqlar namoyish etildi hamda pedagog xodimlarga metodik tavsiyalar berildi. Mazkur faoliyat maxsus ta’lim muassasasida qo‘llab-quvvatlovchi, moslashtirilgan va ehtiyojga sezgir pedagogik yondashuvlarning ahamiyatini kuchaytirishga xizmat qildi.

Alohida e’tiborga molik jihati shundaki, ushbu tadbir talabalarga nazariy bilimlarini real inklyuziv va maxsus ta’lim muhitida kuzatish, amaliy ko‘nikmalarni mustahkamlash va alohida ta’lim ehtiyojlari bo‘lgan bolalar bilan ishlash kompetensiyalarini rivojlantirish imkonini berdi. Shu jihatdan, mazkur tashabbus institutning inklyuziv qo‘llab-quvvatlash, teng ishtirok va amaliy kasbiy tayyorgarlikni rivojlantirishga qaratilgan institutsional yondashuvining muhim qismi hisoblanadi.