Talabalar turar joyida qizlar uchun psixologik seminar-trening tashkil etildi

Termiz davlat pedagogika instituti psixologi N. Abdullayeva hamda tarbiyachi-pedagog I. Eshniyozova hamrohligida talabalar turar joyida yashovchi qizlar ishtirokida navbatdagi seminar-trening o‘tkazildi. Tadbir talaba-qizlarning shaxsiy va ijtimoiy rivojlanishini qo‘llab-quvvatlash, ularning ta’lim jarayonida uchraydigan ruhiy bosim va stressni yengishga ko‘maklashish hamda ijobiy psixologik muhitni mustahkamlashga qaratildi.

Seminar-trening davomida ishtirokchilar samarali o‘qish, muloqot madaniyatini rivojlantirish, o‘zini boshqarish, emotsional barqarorlikni saqlash va kundalik hayotdagi psixologik qiyinchiliklarni konstruktiv yondashuv asosida hal etish bo‘yicha amaliy tavsiyalar oldilar. Bunday mashg‘ulotlar talabalar o‘rtasida o‘zaro ishonch, ochiq muloqot va qo‘llab-quvvatlovchi ijtimoiy muhitni shakllantirishga xizmat qiladi.

Mazkur seminar-trening institutning psixologik farovonlikni qo‘llab-quvvatlash, xavfsiz va ijobiy talabalik muhitini rivojlantirish hamda talaba-qizlarning ijtimoiy moslashuvi va shaxsiy salohiyatini mustahkamlashga qaratilgan tizimli faoliyatining muhim qismi hisoblanadi.