Abay professorlari tashrifi
2024-yil 23-fevral kuni Termiz davlat pedagogika institutida Abay nomidagi Qozog‘iston milliy pedagogika universiteti professor-o‘qituvchilari bilan uchrashuv bo‘lib o‘tdi. Uchrashuv davomida ikki oliy ta’lim muassasasi o‘rtasidagi hamkorlik aloqalarini mustahkamlash, kelgusidagi qo‘shma ishlarni rivojlantirish hamda xalqaro akademik aloqalarni kengaytirish masalalari muhokama qilindi.
Muloqot doirasida institut rektori A. Xasanov xorijlik professor-o‘qituvchilar bilan fikr almashdi. Shundan so‘ng mehmonlar o‘quv ishlari bo‘yicha prorektor P. Tojiyev, kafedra mudirlari va professor-o‘qituvchilar bilan suhbatni davom ettirdi. Uchrashuvlarda oliygohlar o‘rtasida o‘quv jarayonlari, ilmiy salohiyatni oshirish, tajriba almashish va institutsional hamkorlikni rivojlantirish bo‘yicha masalalar ko‘rib chiqildi.
Shuningdek, muzokaralar davomida xalqaro qo‘shma loyihalarni amalga oshirish, talabalar almashinuvi va akademik mobillikni yo‘lga qo‘yish, professor-o‘qituvchilarni tajriba almashish uchun yuborish bo‘yicha kelishuvlarga erishildi. Mazkur tashrif Termiz davlat pedagogika institutining hamkor oliy ta’lim muassasalari bilan real akademik aloqalarni mustahkamlash va kelgusidagi qo‘shma dasturlar uchun institutsional asos yaratishga xizmat qiladi.