Dorota Silvia darslari
2024-yil 23-sentabr kuni Termiz davlat pedagogika institutiga Polsha Respublikasining Koszalin Texnika universiteti lingvistika fanlari doktori, professor Dorota Silvia tashrif buyurdi. Tashrif doirasida u Amaliy ingliz tili kafedrasi bilan hamkorlikda Xorijiy til va adabiyoti ta’lim yo‘nalishi talabalari uchun 2024-yil 23–27-sentabr kunlari davom etgan xalqaro ma’ruza mashg‘ulotlarini olib bordi.
Mashg‘ulotlar davomida jami 8 ta dars tashkil etildi va ularda 200 nafardan ortiq talaba qamrab olindi. Darslarda amaliy ingliz tili, zamonaviy tilshunoslik yondashuvlari, akademik muloqot madaniyati hamda xorijiy tilni o‘qitishning ilg‘or metodlari bo‘yicha bilim va ko‘nikmalar mustahkamlandi. Talabalar xorijiy professor bilan bevosita ishlash, savol-javob va muhokamalar orqali xalqaro akademik tajriba bilan tanishish imkoniyatiga ega bo‘ldi.
Tashrif davomida professor Dorota Silvia kafedra professor-o‘qituvchilari bilan ham uchrashib, xorijiy til ta’limi, metodik yondashuvlar, akademik hamkorlik istiqbollari va kelgusida ma’ruza hamda seminar mashg‘ulotlarini davom ettirish masalalari yuzasidan fikr almashdi. Koszalin Texnika universiteti bilan bunday hamkorlik Termiz davlat pedagogika institutida xalqaro tajribani ta’lim jarayoniga integratsiya qilish, xorijiy mutaxassislarni o‘quv jarayoniga jalb etish va talabalarga amaliy xalqaro akademik muhit yaratish borasidagi tizimli ishlarning muhim ko‘rinishidir.