Yoshlar bilan muloqot

Termiz davlat pedagogika institutida “Rahbar va yoshlar” uchrashuvi tashkil etildi. Uchrashuvni Yoshlar masalalari va ma’naviy-ma’rifiy ishlar bo‘yicha birinchi prorektor U.U. Turamuratov ochib berdi. Tadbirda Termiz shahar prokurori X.P. Mamatqulov, tegishli mas’ullar, Markaziy bank xodimlari hamda talabalar ishtirok etdi.

Ochiq muloqot shaklida o‘tkazilgan uchrashuv davomida yoshlarga jinoyatchilikning oldini olish, huquqbuzarlikka qarshi kurashish va huquqiy ongni mustahkamlash bo‘yicha tushuntirishlar berildi. Shuningdek, Markaziy bank vakili tomonidan ta’lim krediti olish tartibi yuzasidan amaliy tavsiyalar taqdim etildi. Talabalarning savollariga batafsil javob berilgani ushbu uchrashuvning yoshlar bilan ishlash, profilaktika, moliyaviy savodxonlik va ochiq boshqaruv muloqoti nuqtai nazaridan amaliy ahamiyatga ega ekanini ko‘rsatadi.