Malayziya bilan onlayn uchrashuv
2024-yil 19-sentabr kuni Termiz davlat pedagogika instituti va Malayziya Kelantan universiteti o‘rtasida onlayn uchrashuv o‘tkazildi. Unda Ilmiy ishlar va innovatsiyalar bo‘yicha prorektor Sh. Kuldasheva, Xalqaro hamkorlik bo‘limi boshlig‘i U. Eshmuratov, Tillar fakulteti dekani A. Umarov, kafedra mudirlari hamda Kelantan universiteti rahbariyati ishtirok etdi.
Uchrashuv davomida ikki oliy ta’lim muassasasi o‘rtasida hamkorlik aloqalarini mustahkamlash, professor-o‘qituvchilar va talabalarni tajriba almashish dasturlariga jalb etish, talabalarni “Global Online Learning” dasturiga yo‘naltirish hamda hamkorlikda ilmiy-amaliy konferensiyalar tashkil etish masalalari muhokama qilindi. Tomonlar akademik almashinuv va qo‘shma ilmiy tadbirlar bo‘yicha hamkorlikni rivojlantirishga kelishib oldi. Mazkur uchrashuv xalqaro akademik integratsiya va institutsional hamkorlikni rivojlantirishga qaratilgan amaliy muloqot sifatida baholanadi.