Elabuga uchrashuvi

Termiz davlat pedagogika institutining Gumanitar yo‘nalishlarda xorijiy tillar kafedrasi mudiri Z. Shirnazarova hamda kafedra o‘qituvchisi Z. Berdiyeva Qozon Federal universitetining Elabuga institutida malaka oshirish kurslarida ishtirok etish jarayonida Nemis filologiyasi kafedrasi mudiri V. Panfilova va kafedra jamoasi bilan rasmiy uchrashuv o‘tkazdi.

Uchrashuv davomida professor-o‘qituvchilarni ma’ruza mashg‘ulotlariga jalb etish, “Talabalar almashinuvi” dasturini yo‘lga qo‘yish hamda muntazam ilmiy seminarlar tashkil etish masalalari muhokama qilinib, kelgusidagi akademik hamkorlik yo‘nalishlari bo‘yicha kelishuvga erishildi. Mazkur uchrashuv xalqaro akademik tashrif doirasida kafedra darajasida shakllangan amaliy hamkorlik aloqalarini, tajriba almashish va qo‘shma akademik faoliyatni rivojlantirishga qaratilgan institutsional yondashuvni aks ettiradi.