Termiz davlat pedagogika institutida “Ochiq eshiklar kuni” tashkil etildi

Termiz davlat pedagogika institutida hududdagi Termiz davlat muhandislik va agrotexnologiyalar universiteti, umumiy o‘rta ta’lim maktablari, akademik litseylar hamda kasb-hunar maktablari bitiruvchilarini oliy ta’lim muassasasi faoliyati bilan yaqindan tanishtirish, ularning kasb tanlashiga ko‘maklashish maqsadida “Ochiq eshiklar kuni” tadbiri tashkil etildi.

Tadbirda viloyatdagi umumta’lim maktablari, akademik litseylar va kasb-hunar maktablarining bitiruvchi o‘quvchilari, ularning ota-onalari hamda pedagoglar ishtirok etdi. Tadbir avvalida mehmonlar institut rahbariyati tomonidan samimiy kutib olinib, ta’lim muassasasining faoliyati, mavjud imkoniyatlari va ustuvor yo‘nalishlari haqida batafsil ma’lumot berildi.

Shundan so‘ng ishtirokchilar uchun quyidagi obyektlar bo‘ylab tanishtiruv ekskursiyalari tashkil etildi:

▫️ o‘quv binolari

▫️ zamonaviy laboratoriyalar

▫️ axborot-resurs markazi

▫️ sport inshootlari

▫️ talabalar turar joylari Tadbir davomida maxsus ko‘rgazmalar tashkil etilib, professor-o‘qituvchilar tomonidan ta’lim yo‘nalishlari, qabul jarayonlari, grant va kontrakt asosida o‘qish imkoniyatlari haqida batafsil tushuntirishlar berildi.