Termiz davlat pedagogika institutida “Ochiq eshiklar kuni” tashkil etildi

Termiz davlat pedagogika institutida hududdagi Termiz davlat muhandislik va agrotexnologiyalar universiteti, umumiy o‘rta ta’lim maktablari, akademik litseylar hamda kasb-hunar maktablari bitiruvchilarini oliy ta’lim muassasasi faoliyati bilan yaqindan tanishtirish, ularning kasb tanlashiga ko‘maklashish maqsadida “Ochiq eshiklar kuni” tadbiri tashkil etildi.

Tadbir davomida mehmonlar institutda yaratilgan shart-sharoitlar, ta’lim yo‘nalishlari, zamonaviy auditoriyalar, laboratoriyalar hamda talabalarga yaratilayotgan imkoniyatlar bilan yaqindan tanishdilar.

Shuningdek, iqtidorli talabalar tomonidan tayyorlangan ijodiy chiqishlar, innovatsion loyihalar taqdimoti hamda interaktiv mashg‘ulotlar mehmonlarda katta qiziqish uyg‘otdi. Tadbir yakunida esa iqtidorli talabalar tomonidan mehmonlarning portretlari chizilib, o‘z egalariga topshirildi.

Mazkur tadbir yoshlarni ongli ravishda kasb tanlashga yo‘naltirish, ularning oliy ta’limga bo‘lgan qiziqishini oshirish hamda institut faoliyati bilan yaqindan tanishtirishda muhim аhamiyat kasb etdi.