Ochilish marosimi tantanali tashkil etildi.
Bugun Termiz davlat pedagogika institutida “Yangi O‘zbekiston talabalari Olimpiadasi” sport musobaqalarining tantanali ochilish marosimi bo‘lib o‘tdi.
Mazkur tadbir O‘zbekiston Respublikasi Prezidentining 2026-yil 24-fevral kuni yoshlar bilan o‘tkazilgan muloqotida belgilab berilgan ustuvor vazifalar ijrosini ta’minlash, shuningdek, uch bosqichli “Yangi O‘zbekiston talabalari Olimpiadasi” sport musobaqalari tizimini yo‘lga qo‘yish bo‘yicha O‘zbekiston Respublikasi Sport vazirligining 2026-yil 1-apreldagi, Oliy ta’lim, fan va innovatsiyalar vazirligining hamda Milliy olimpiya qo‘mitasining tegishli qo‘shma qarorlarida belgilangan vazifalar asosida tashkil etildi.
Tadbirni institut rektori Azizbek Xasanov ochib berib, o‘z nutqida talaba-yoshlarni sport bilan muntazam shug‘ullanishga, sog‘lom turmush tarzini keng targ‘ib etishga hamda musobaqalarda faol qatnashishga chorladi.
Mazkur olimpiada talabalar o‘rtasida sog‘lom raqobat muhitini yaratish, sport salohiyatini rivojlantirish hamda yurtimizda sportni ommalashtirishga xizmat qiladi.