Talaba – yugur” sport musobaqasi yuqori saviyada o‘tkazildi
O‘zbekiston Respublikasi Sport vazirligi, Oliy ta’lim, fan va innovatsiyalar vazirligi, O‘zbekiston yengil atletika federatsiyasi hamda Talabalar sporti assotsiatsiyasi tashabbusi bilan “Talaba – yugur” ko‘ngillilar yugurish musobaqasining bahorgi mavsumi yuqori saviyada tashkil etildi.
Termiz shahrida bo‘lib o‘tgan mazkur sport tadbirida viloyat bo‘ylab jami 2 079 nafar talaba 3 kilometr masofaga yugurish bahslarida ishtirok etdi. E’tiborlisi, ularning 600 nafari Termiz davlat pedagogika institutining faol va tashabbuskor talabalari bo‘ldi.
Bizning talabalarimiz natijalari:
Qizlar o‘rtasida:
Gulruxsor Qurbonmurodova — 2-o‘rin
Oygul Xurramova — 3-o‘rin
O‘g‘il bolalar o‘rtasida:
Ulug‘bek Shermurodov — 2-o‘rin
Mazkur musobaqa yoshlar o‘rtasida sog‘lom turmush tarzini keng targ‘ib etish, jismoniy faollikni oshirish hamda sportga bo‘lgan qiziqishni yanada kuchaytirishda muhim ahamiyat kasb etmoqda. Shu bilan birga, bunday ommaviy yugurish tadbirlari talabalar o‘rtasida birdamlik, iroda va intilishni mustahkamlab, ularni yangi marralar sari ruhlantiradi.
Shuningdek, bahorgi mavsum g‘oliblari uchun stipendiyalar ajratilishi belgilandi.
G‘olib va sovrindor talabalarimizni samimiy muborakbod etamiz hamda ularga kelgusi musobaqalarda yanada ulkan zafarlar tilaymiz!
Sport — bu nafaqat jismoniy chiniqish, balki kuchli iroda, qat’iyat va sog‘lom fikr asosidir. Sog‘lom tana — sog‘lom tafakkur garovidir.