REKTORLAR MARAFONI: SALOMATLIK SARI O‘N MING QADAM

Termiz davlat universitetida o‘tkazilayotgan o‘quv-amaliy seminar va sport haftaligi doirasida erta tongda “Sog‘lom hayot uchun o‘n ming qadam” shiori ostida ommaviy yurish marafoni tashkil etildi.

Oliy ta’lim, fan va innovatsiyalar vaziri Qo‘ng‘irotboy Sharipov boshchiligida o‘tgan ushbu marafonda respublikamizdagi barcha oliy ta’lim muassasalari rektorlari qatorida Termiz davlat pedagogika instituti rektori A.Xasanov hamda institut jamoasi vakillari ham faol ishtirok etdilar.

Mazkur tashabbusning asosiy maqsadi rahbarlarning shaxsiy namunasi orqali yoshlar o‘rtasida sog‘lom turmush tarzini keng targ‘ib qilish, oliy ta’lim tizimida sport va jismoniy faollikni ommalashtirish, shuningdek, o‘zaro tajriba almashishdan iborat bo‘ldi.

Quvonarlisi, Termiz davlat pedagogika instituti jamoasi ushbu sport haftaligi doirasidagi tadbirlarda faol qatnashib, sog‘lom turmush tarzi, jamoaviylik va faollik borasida munosib namuna ko‘rsatmoqda.

Sport haftaligi doirasidagi tadbirlar davom etmoqda.