“William Shakespeare’s 462nd Birth Anniversary Celebration” tadbiri bo‘lib o‘tdi

Termiz davlat pedagogika institutida 1-kurs talabalari ishtirokida buyuk ingliz dramaturgi William Shakespeare tavalludining 462 yilligiga bag‘ishlangan ma’naviy-ma’rifiy tadbir yuqori saviyada tashkil etildi.

Tadbir davomida talaba-yoshlar tomonidan Shekspir ijodi, uning jahon adabiyotidagi beqiyos o‘rni hamda mashhur asarlaridan sahna ko‘rinishlari namoyish etildi. Ishtirokchilar dramaturgning hikmatli so‘zlari va boy ijodiy merosi haqida atroflicha ma’lumotlarga ega bo‘ldilar.

Tadbir jarayonida turli interfaol chiqishlar, sahna talqinlari va ijodiy yondashuvlar orqali yoshlarning adabiyotga bo‘lgan qiziqishi yanada oshirildi. Mazkur tadbir ko‘tarinki ruhda o‘tib, ishtirokchilarda katta taassurot qoldirdi.