IFINS bilan hamkorlik amaliyotda: nemis tili markazida o‘quv mashg‘ulotlar tashkil etilmoqda

Termiz davlat pedagogika instituti va Germaniyaning IFINS – Institut für Internationale Sprachen o‘rtasida 2025-yil 10-noyabrda imzolangan hamkorlik shartnomasi doirasida nemis tilini o‘qitish va nemis tili bo‘yicha ta’lim jarayonini rivojlantirishga qaratilgan amaliy ishlar olib borilmoqda.
Hamkorlik doirasida Germaniyadan xorijiy mutaxassislar institutning o‘quv jarayonlariga jalb etilib, nemis tili bo‘yicha ma’ruza, seminar va amaliy mashg‘ulotlar tashkil etildi. Xorijiy mutaxassislarning o‘quv jarayonidagi ishtiroki talabalarning nemis tilidagi bilim va ko‘nikmalarini mustahkamlash hamda xalqaro ta’lim tajribasini o‘quv jarayoniga tatbiq etishga xizmat qilmoqda.
Shuningdek, hamkorlik doirasida nemis tilini o‘rganayotgan talabalar uchun Germaniya ta’lim tizimi, akademik imkoniyatlar va xalqaro til sertifikatlariga tayyorgarlik bo‘yicha tegishli tushuntirish va amaliy mashg‘ulotlar tashkil etilmoqda.