XALQARO HAMKORLIK YANGI BOSQICHDA
TerDPI xalqaro maydonda!
Ayni damda Termiz davlat pedagogika instituti vakillari — moliya-iqtisod ishlari bo‘yicha prorektor X. Saparov, Xalqaro hamkorlik bo‘limi boshlig‘i U. Eshmuratov hamda Boshlang‘ich ta’limda matematika va ona tili kafedrasi mudiri D. Shabbazovalar xizmat safari bilan Xitoy Xalq Respublikasining Sian shahrida bo‘lib turibdilar.
Mazkur tashrif doirasida delegatsiya Shanxi Normal universitetida rasmiy uchrashuv o‘tkazdi. Unda o‘quv ishlari bo‘yicha prorektor, professor Li Binchjun hamda yetakchi professorlar — Ko Sigan, Li Yueli, Li Tsuan va Go Sianxun ishtirok etdilar.
Uchrashuv davomida:
- 2+2 bakalavriat dasturi
- 1+1 magistratura dasturi
- ilmiy va akademik almashinuv
bo‘yicha muhim kelishuvlarga erishildi.
Ushbu hamkorlik — talaba va professor-o‘qituvchilar uchun yangi imkoniyatlar eshigini ochadi!
TerDPI — global ta’lim sari qat’iy qadam!