TerDPI delegatsiyasi xalqaro rekruterlik agentliklari bilan muzokaralar o‘tkazdi
Termiz davlat pedagogika instituti delegatsiyasi Xitoy Xalq Respublikasining Hefei shahrida xalqaro miqyosda talabalarni jalb etish bilan shug‘ullanuvchi rekruterlik agentliklari vakillari bilan uchrashuvlar o‘tkazdi.
Jumladan, Beijing New Oriental Vision Overseas Consulting Co., Ltd agentligi rahbariyati — Mr. San Tao va Jun Linnie bilan bo‘lib o‘tgan uchrashuvda hamkorlikni yo‘lga qo‘yish bo‘yicha zarur bosqichlar, amaliy jarayonlar hamda kelgusidagi rejalar muhokama qilindi. Shuningdek, institutning ta’lim imkoniyatlari, mavjud yo‘nalishlari va xalqaro talabalar uchun yaratilayotgan sharoitlar haqida batafsil ma’lumot berildi.
Shuningdek, Shinyway International rahbari Ms. Ma Yawey bilan o‘tkazilgan muloqotda xitoylik talabalar uchun Termiz davlat pedagogika institutida yaratilayotgan shart-sharoitlar, grant imkoniyatlari hamda bepul til kurslari haqida ma’lumotlar taqdim etildi.
Uchrashuvlar davomida tomonlar o‘zaro hamkorlikni rivojlantirish, xorijiy talabalarni institutga jalb etish hamda ta’lim sohasida xalqaro aloqalarni kengaytirish yuzasidan fikr almashdilar.