TerDPI talabalari xalqaro maydonda yana bir bor yuksak natijani qayd etdi!

Qozogʻiston Respublikasida Turgʻirlat Ata Qiziloʻrda universiteti tomonidan pedagogika yo‘nalishidagi oliy ta’lim muassasalari talabalari o‘rtasida tabiiy fanlar bo‘yicha IV xalqaro olimpiada tashkil etildi.

Mazkur nufuzli olimpiadada “Geografiya” ta’lim dasturi yo‘nalishida Termiz davlat pedagogika instituti jamoasi munosib ishtirok etib, faxrli I-o‘rinni qo‘lga kiritdi.

Olimpiada guruhlar kesimida tashkil etilib, unda turli davlatlarning pedagogik oliy ta’lim muassasalari talabalari o‘z bilim va salohiyatlarini namoyish etdilar. TerDPI talabalari esa yuqori tayyorgarlik, mustahkam bilim va jamoaviy hamjihatlik orqali eng yuqori natijani qo‘lga kiritishga muvaffaq bo‘lishdi.

Ushbu yutuq institutda olib borilayotgan sifatli ta’lim, ilmiy izlanishlar hamda talaba-yoshlarga yaratilayotgan keng imkoniyatlarning amaliy natijasi hisoblanadi.

G‘olib jamoamizni ushbu ulkan muvaffaqiyat bilan samimiy tabriklaymiz va kelgusidagi faoliyatlarida yanada ulkan zafarlar tilaymiz!