Termiz davlat pedagogika institutida fan olimpiadasi bo‘lib o‘tdi

O‘zbekiston Respublikasi Prezidentining 2020-yil 12-avgustdagi PQ-4805-son hamda 2021-yil 19-martdagi PQ-5032-son qarorlari ijrosini ta’minlash maqsadida Termiz davlat pedagogika institutida viloyatimizdagi umumta’lim maktablarining bitiruvchi sinf o‘quvchilari o‘rtasida kimyo, biologiya va fizika fanlari bo‘yicha fan olimpiadasi tashkil etildi.

Mazkur olimpiadaning asosiy maqsadi — o‘quvchilarning tabiiy fanlarga bo‘lgan qiziqishini yanada oshirish, ularning nazariy bilim va amaliy ko‘nikmalarini mustahkamlash, iqtidorli yoshlarni aniqlash hamda ularni oliy ta’limga yo‘naltirishdan iborat bo‘ldi.

Olimpiada jarayonida ishtirokchilar o‘z bilim va salohiyatlarini sinovdan o‘tkazib, berilgan topshiriqlarni mustaqil va ijodiy yondashuv asosida bajarishdi. Shuningdek, tadbir davomida o‘quvchilarga institutda yaratilgan shart-sharoitlar, mavjud ta’lim yo‘nalishlari hamda ilmiy faoliyat imkoniyatlari haqida batafsil ma’lumotlar berildi.

Yakunda g‘olib va faol ishtirokchilar munosib taqdirlanib, ularning kelgusidagi ta’lim yo‘lida muvaffaqiyatlar tilandi.

Mazkur olimpiada yoshlarning ilm-fanga bo‘lgan qiziqishini kuchaytirish, ularning intellektual salohiyatini rivojlantirish hamda kelajakda yetuk mutaxassislar bo‘lib yetishishlariga xizmat qiladi.