Termiz davlat pedagogika institutida fan olimpiadasi bo‘lib o‘tdi

O‘zbekiston Respublikasi Prezidentining 2020-yil 12-avgustdagi PQ-4805-son hamda 2021-yil 19-martdagi PQ-5032-son qarorlari ijrosini ta’minlash maqsadida Termiz davlat pedagogika institutida viloyatimizdagi umumta’lim maktablarining bitiruvchi sinf o‘quvchilari o‘rtasida kimyo, biologiya va fizika fanlari bo‘yicha fan olimpiadasi tashkil etildi.

Olimpiadaning asosiy maqsadi — o‘quvchilarning tabiiy fanlarga bo‘lgan qiziqishini oshirish, ularning bilim va ko‘nikmalarini mustahkamlash, iqtidorli yoshlarni aniqlash hamda ularni oliy ta’lim muassasalariga yo‘naltirishdan iborat bo‘ldi.

Olimpiada jarayonida ishtirokchilar o‘z bilim va salohiyatlarini sinovdan o‘tkazib, murakkab va qiziqarli topshiriqlarni bajarish orqali o‘z iqtidorlarini namoyon etdilar.

Yakunda quyidagi natijalar qayd etildi:

Biologiya fan olimpiadasi:
 1-o‘rin — Ro‘ziyeva Mahliyo O‘ktam qizi (Muzrabod tumani 33-maktab)
 2-o‘rin — Norqulova Zumrad Ikrom qizi (Denov tumani 55-maktab)
 3-o‘rin — Shukurova Rayxon Ilhom qizi (Qiziriq tumani 28-maktab)

Kimyo fan olimpiadasi:
 1-o‘rin — Raximjonov Maxmanazar Saidaliyevich (Termiz shahar 13-maktab)
 2-o‘rin — Omonova Farzona Ikromjon qizi (Uzun tumani 2-maktab)
 3-o‘rin — Po‘latova Ma’muraxon Asqar qizi (Qiziriq tumani 16-maktab)

Fizika fan olimpiadasi:
 1-o‘rin — Nurmamatova Zulfiya Odil qizi (Denov tumani 70-maktab)
 2-o‘rin — Shodiyeva Oygul Musurmon qizi (Muzrabod tumani 11-maktab)
 3-o‘rin — Normo‘minov Behruz Umid o‘g‘li (Qiziriq tumani 46-maktab)

G‘olib va sovrindorlar tantanali ravishda taqdirlanib, ularning kelgusidagi ta’lim faoliyatiga ulkan muvaffaqiyatlar tilandi.

Mazkur olimpiada yoshlarning ilm-fanga bo‘lgan qiziqishini kuchaytirish, ularning intellektual salohiyatini rivojlantirish hamda kelajakda yetuk mutaxassislar yetishib chiqishiga xizmat qiladi.